Unha ruta por 8 adegas que nunca están en silencio, cheas de música tradicional. Imprescindible comprar un xerro para probar o viño nas distintas adegas, moitas delas furanchos. Outras son simplemente veciños que nos abren as portas das súas casas e nos deixan saborear o viño novo, viño no que levan traballando todo o ano. Nunca falta algo de comer, cada adega ten a súa tapa, porque todos sabemos que « beber sen comer, é cegar e non ver, ´´ e tampouco faltan os xogos tradicionais para os máis cativos.
Despois de pasear por tódalas adegas, cando xa apenas queda viño no pipo, nin tapas nas cociñas, xusto cando cae o sol, é o momento de continuar a festa todos xuntos desfrutando dos concertos no campo da festa.